Yil boshidan buyon (22 mayga qadar) Toshkentda 472 yo`l-transport hodisasi sodir bo`ldi.
Eng ko`p YTH Yunusobod tumanida sodir bo`lgan - 75. Ayanchli statistikaning uchligiga shuningdek Chilonzor - 64 va Mirzo-Ulug`bek tumani kirgan - 54 ta YTH.
O`tgan yilning shu davriga nisbatan yo`l-transport hodisalari soni 15% kamaygan. Toshkent shahar YHBBdan xabar berishlaricha, raqamlarning keskin pasayishiga foto va video kuzatuv kompyuterlashtirilgan tizimining joriy etilishi sabab bo`lgan.
4 oyda YTH oqibatida 480 kishi turli darajada tan jarohati oldi, 55 nafar ishtirokchi halok bo`ldi. 2016 yilning huddi shu davri bilan taqqoslaganda jabrlanganlar soni 73 taga yoki 13,2% kamaygan, halok bo`lganlar 15 kishiga yoki 21,4% kamaygan.
Toshkentdagi 69,1% YTHlar piyodalarning ustiga bostirib kelishi bilan bog`liq.
