Xiyobonda kabutarlarga non berayotgan ayol ijtimoiy tarmoq foydalanuvchilarini o`ziga jalb etdi, deb xabar berdi Onedio.ru nashri.
U oyog`idagi kabutar shaklli tuflisi bilan barchaning diqqatini tortdi.
Bu sirli ayol yaponiyalik poyabzal dizayneri Kioto Oxatodir.
Kioto kabutarlar to`la maydonda sayr qilishni xush ko`radi, u sayr chog`ida kabutarlarni cho`chitib yubormaslikka harakat qiladi.
U kaptarlarni qo`rqitmaslik maqsadida kabutarni eslatuvchi mazkur tufli dizaynini o`ylab topdi.
Ijtimoiy tarmoq foydalanuvchilari ayolning tuflisidan hayratga tushdi va shu zahoti ular ham aynan shunday tufliga ega bo`lishni xohlashdi.
“Afisha Daily” internet nashri kabutar tuflining tayyorlanish texnologiyasini o`rtoqlashdi. Agar ko`rsatilgan rasmlar asosida barcha harakatlarni to`g`ri amalga oshirsangiz, bu yil yozda xiyobonlarda sizdan zamonaviy odam topilmaydi!
