1

​Bedavo dardni enggan 10 mashhur yulduz

Dunyo 08.06.2017, 13:56
Teglar: Xonanda, Aktrisa, Aktyor, Gollivud, Kasallik, AQSh
​Bedavo dardni enggan 10 mashhur yulduz

Negadir aksariyat odamlar mashhurlikka erishgan yulduzlarning hech qanday muammosi bo`lmaydi, ularga yashash oson, deb o`ylaydi, deya xabar beradi Adme.ru nashri.

Ammo ular ham inson, bizning muammolarimiz qanchalalik ko`p bo`lsa, ularning muammosi ham biznikidan kam emas. Sog`liqqa oid muammolar mashhurlarni ham chetlab o`tmaydi. Axir xalqimiz bekorga issiq jonning isitmasi bor, demagan. Kasallikdan hech kim kafolatlanmagan. Quyida nomlari keltirilgan mashhur yulduzlar esa inson hayoti uchun xavfli bo`lgan kasalliklarni engib, mazkur masalada boshqalarga ham yordam berib kelmoqda.

Sheron Stoun

Gollivudning eng mashhur yulduzlaridan biri bo`lgan Sheron Stoun miyaga qon quyulishi oqibatida klinik o`limni boshdan kechirdi. Operasiyadan keyin gapirishga qiynalganiga qaramay, u “Asosiy instinkt-2” filmida suratga tushdi. Kasallik tufayli boshiga tushgan qiyinchiliklarini enggan aktrisa mazkur kasalliklarga chalingan bemorlarni qo`llab-quvvatlab, kelmoqda. Xayriya ishlariga qo`shgan hissasi uchun Sheron Stoun 2013 yilda Nobel mukofoti laureati bo`lgan.

Maykl Jey Foks

Mashhur aktyorga 1991 yilda Parkinson kasalligi tashxisi qo`yildi. Shunga qaramay, u 5 marotaba “Emmi” mukofotini va boshqa oliy mukofotlarni qo`lga kiritdi. Aktyor mazkur kasallik bilan kurashishni hayotining asosiy maqsadiga aylantirdi. U Parkinson kasalligini davolaydigan dori-darmonni yaratish ishlari bilan shug`ullanuvchi jamg`arma tashkil qilib, unga 450 million dollar mablag` ajratdi.

Juliya Roberts


Aktrisa Juliya Roberts bir necha yillardan beri Verlgof kasalligidan aziyat chekadi. Mazkur kasallikka chalingan bemorning terisi ozgina kesilsa, qon to`xtamaydi. Shunga qaramay, u filmlarda suratga tushishdan to`xtamadi, turli xil yuksak mukofotlarni qo`lga kiritdi va uch farzandni dunyoga keltirib, ularni tarbiyalayapti. Inson hayoti uchun xavfli bo`lgan kasallik bilan kurashish qanchalik ma`naviy va moddiy kuch talab qilishini aktrisa yaxshi biladi. Juliya Roberts bedavo kasallikka chalingan bemorlarni qo`llab-quvvatlash maqsadida, YuNISEFning ko`ngilli elchisiga aylandi.

Ben Stiller


Mashhur komik aktyor Ben Stiller saraton o`simtasini olib tashlash bo`yicha operasiyani, odamning tinka-madorini quritadigan kimyoterapiyani boshdan kechirdi. Aktyorning aytishicha, u kasallikka chalingach, avval vahimaga tushgan, ammo keyinchalik unda saraton kasalligining hali endi birinchi bosqichi boshlanganini bilgach, xursand bo`lgan. Oddiy hayotga qaytgan Ben Stiller saratonga chalingan boshqa bemorlarga yordam berishni ko`ngliga tugdi. U yordam ko`rsatayotgan 25 ta tashkilot ichida saraton kasalliklarini o`rganish instituti va onkologik kasalliklarga chalingan bemorlarni qo`llab-quvvatlovchi jamg`arma ham bor.

Toni Brekston


Mashhur xonanda, besh marotaba nufuzli “Emmi” mukofotini qo`lga kiritgan Toni Brekston teri siliga chalingan. Mazkur kasallikda odamning immun tizimi o`z organizmidagi hujayralarga hujum qiladi. O`zida mazkur kasallik aniqlangach, Toni Brekston aynan shu kasallikdan aziyat chekadigan odamlarga yordam bera boshladi. U bemorlarga moddiy yordam berish bilan birga, ularning ruhini ko`taradi. O`zi ham shu kallikka chalingan bo`lsa-da, hamon tinglovchilarini yaxshi qo`shiqlar bilan xushnud etib, ularga namuna bo`ladi.

Deniel Redkliff


Barchaning sevimli qahramoni bo`lgan “Garri Potter” dipraksiya — asab faoliyatining buzilishi kasalligiga chalingan. Mazkur kasallikka chalingan odam oddiy harakatlarni ham mustaqil bajara olmaydi. Ammo aktyorlik sohasiga mutlaqo to`g`ri kelmaydigan kasallikka chalinganiga qaramay, Deniel kinematografiya sohasida ulkan yutuqlarga erishdi.

Kasallikka qarshi natijasida to`plagan tajribalarini Deniel aynan shu darddan aziyat chekayotgan odamlar bilan o`rtoqlashadi, ularni taslim bo`lmaslikka, umid qilishga undaydi va bunda o`zini misol qilib ko`rsatadi.

Ledi Gaga


Zamonaviy qo`shiqlar ijrochisi bo`lgan Ledi Gaga bedavo teri kasalligiga chalingan. Kasallik xuruj qilgan paytlari u davolash choralari bo`lgan muz solingan vanna, folgali ko`rpa va boshqa murakkab davolash jarayonlari haqida ijtimoiy tarmoqlarda uzundan-uzoq post yozib qoldirdi.

Inson hayoti davomida boshiga tushadigan ko`rguliklar, qiyinchiliklardan yaxshi xabardor bo`lgan xonanda muntazam ravishda bedavo kasallikka chalingan odamlarga nafaqat moddiy, balki ma`naviy yordam berib keladi.

Maykl Karlayl Xoll


Mashhur aktyor 2010 yilda limfoma (limfa to`qimalarining saratoni)ga chalinganini bildi. U juda ko`p azoblarni boshdan kechirdi va mazkur kasallikdan qutulish uchun hammaning imkoni yo`qligidan afsuslandi. U limfoma kasalligiga chalingan odamlarni qo`llab-quvatlash maqsadida leykemiya va limfoma jamiyatining rasmiy vakiliga aylandi. Mazkur jamiyat saraton kasalligini o`rganish va saratonga chalingan bemorlarga yordam berish ishlari bilan shug`ullanadi.

Kayli Minoug


Avstraliyalik xonanda, qo`shiqlar muallifi va dunyoning go`zal ayollaridan biri bo`lgan Kayli Minoug 2005 yilda ko`krak saratoniga chalinganini bildi. Kasallik bilan kechgan og`ir kurashdan keyin xonanda saratonni ilk davrlarida aniqlash zarurligi haqida odamlarni ogohlantirishga bel bog`ladi va bunga juda ko`p mablag` sarfladi.

Kayli Minoug hodisasi ko`krak saratoniga qarshi kurashda eng muhim belgilardan biriga aylandi. Uning sa`y-harakatlari tufayli millionlab ayollar muntazam ravishda tibbiy ko`rikdan o`ta boshladi. Kayli Minoug saraton kasalligiga qarshi kurash borasida qo`shgan hissasi uchun faxriy tibbiyot fanlari doktori unvoniga sazovor bo`ldi.

Xyu Jekman


2013 yilda aktyor Xyu Jekmanda teri saratoni aniqlandi va shundan beri u 6 operasiyani boshdan kechirdi. Bunday sinovlardan keyin har qanday odam tanaffus qilishga majbur bo`ladi. Ammo Xyu Jekman bir nafas bo`lsa-da, mehnat qilishdan to`xtamadi. O`zi bedavo dardga chalingan aktyor, bemorlarni qo`llab-quvvatlash, ularga yordam berish qanchalik muhim ekanligini tushundi. U ayni paytda saraton kasalligini aniqlash va dolzarb muammolar bilan shug`ullanuvchi 27 ta tashkilotga homiylik qilmoqda.

Sharhlar

AQShda qishki bo`ron qurbonlari soni 50 kishiga etdi

27.12.2022, 10:08

AQShda qishki bo`ron tufayli kamida 50 kishi halok bo`ldi, deb xabar bergan NBC News. Telekanalning aniqlik kiritishicha, qurbonlarning aksariyati - kamida 14 nafari Nyu-York shtati...
AQShda eng zamonaviy "ko`rinmas" bombardimonchi samolyot namoyish etildi

03.12.2022, 12:40

AQSh yangi B-21 Raider strategik bombardimonchi samolyotini namoyish etdi. Samolyot jahondagi ilk oltinchi avlod bombardimonchisi hisoblanadi, deya yozmoqda "zamon.uz".Uning namoyishida AQSh mudofaa vaziri Lloyd Ostin ishtirok etgan."Bu...
Xitoy TIV vakili AQShning ettita davlatni bosib olish haqidagi rejasini e`lon qildi. U qaysi davlatlar? (video)

12.10.2022, 11:42

Pekin Vashingtonga besh yil ichida etti davlatni bosib olish rejasini eslatdi. Xitoy Tashqi ishlar vazirligi vakili AQSh armiyasining iste`fodagi generali Uesli Klarkning Pentagonning 20 yil...
Bayden ikkinchi muddatga saylanish istagini bildirdi

05.10.2022, 11:12

AQSh prezidenti Jo Bayden 2024 yilda ikkinchi muddatga saylanishga qaror qildi. Bu haqda Amerikaning NBS telekanali xabar bergan.“Sentyabr oyida voiz Al Sharpton bilan bo`lgan uchrashuvda...
Ob-havo: Toshkent
Valyuta kursi
1