Odatda ota-onalarda farzandini emlash borasida juda ko`p fikrlar to`qnashuvlari yuzaga keladi. Ijtimoiy tarmoqlarda ham ushbu mavzu onalar o`rtasida eng ko`p muhokama qilinadigan dolzarb mavzulardan sanaladi.
Xonanda Lola YuNISEFning O`zbekistondagi rahbari Sasha Graumann bilan farzandlarimizni immunizasiyasi masalasida muhim masalalarni muhokama qilishdi. Lola bu haqda o`zining ijtimoiy tarmoqdagi sahifasida yozib qoldirdi va o`zining bolalarni emlashga doir fikrlari bilan o`rtoqlashdi.
“Bu albatta ko`pchilik ota-onalar o`rtasida bahsli mavzu sanaladi va men nima yaxshi yoki yomonligini ta`kidlamoqchi emasman. Men shunchaki bu masalada o`z qarashlarim bilan o`rtoqlashishim mumkin. Men farzandlarim milliy emlash taqvimiga asosan to`liq emlangan bo`lishini ta`minlayman. Har yili immunizasiya butun dunyoda 2-3 million bolalar hayotini asrab qoladi. Vaksinalar yordamida biz poliomielit kabi kasallikdan qutulganmiz. Suvchechak kasalligi yo`q qilingan. Bizning ota-ona sifatida majburiyatimiz – farzandlarimizni himoya qilish. Shaxsan men vaksinasiya har bir bolaga hayotining ilk kunlaridan sog`lom hayot kechirish imkonini berishiga ishonaman. Vaksinalar ish beradi. P.S Farzandingizga qanday vaksina zarurligi yuzasidan shifokoringizga murojaat qiling”, deb yozadi Lola.
Mamlakatimizda sanitariya-epidemiologiya holatni barqaror saqlash va yuqumli kasalliklarga qarshi kurashning zamonaviy tizimi yaratilgan. Milliy emlash taqvimiga muvofiq 18 yoshgacha bo`lgan bolalar 10 dan ortiq kasallikka qarshi emlanmoqda. Bunday keng ko`lamli chora-tadbirlar natijasida ilgarilari bolalar salomatligiga jiddiy tahdid tug`dirgan ko`plab kasalliklarning oldini olish, epidemiologik barqarorlikni ta`minlashga erishilmoqda. Milliy emlash taqvimiga kiritilgan immunoprofilaktika tadbirlariga ketadigan mablag`lar davlat byudjeti hisobidan moliyalashtiriladi.
10.12.2019, 20:06
Taniqli shved guruhi — «Roxette» solisti Mari Fredriksson 61 yoshida vafot etdi. Bu haqda Shvesiya OAVlariga asoslanib xabar berildi.Dagens Nyheter nashrining yozishicha, xonanda uzoq yillar davomida saraton xastaligiga...21.05.2018, 09:33
O`zbekiston Respublikasi Maktabgacha ta`lim vazirligi tomonidan 1-iyun – xalqaro bolalarni himoya qilish kuni munosabati bilan “Qo`lingda imkon” nomli ijtimoiy loyihaga qo`l urildi. Taronani O`zbekiston xalq...29.03.2018, 09:26
Ijod va oilani bir maromda olib borayotgan xonanda Lola Yo`ldosheva noodatiy savollarimizga javob berdi... — Aytishlaricha siz... — Ishga nisbatan injiq va talabchanman ekanman. Menimcha,...13.03.2018, 16:48
8 mart kuni taniqli o`zbek qo`shiqchisi Lola Yo`ldosheva uzoq tanaffusdan so`ng Moskvada katta konsert bergani haqida xabar bergan edik. Konsertdan avval "Sputnik" nashri muxbiri go`zal...