— Ramazon oyida tishi og`rib qolgan odam muolaja va og`riq qoldirish maqsadida ukol olsa, ro`zasi buziladimi?
— Kishi ana shunday noqulay vaziyatda qolmasligi uchun ramazon oyi kirishidan oldin o`ziga bir qarab, kerakli muolajalarni olishi kerak. To bu barakotli oy sharofatidan to`liq bahramand bo`la olsin, uning ibodat qilish zavqiga hech qanday qiyinchilik xalaqit bermasin. Shunday bo`lsa ham, ramazon oyida birdan tishi og`rib, ukol olgan kishining ro`zasi buziladi va keyin o`sha kun uchun bir kun qazo tutib beradi (“Fatovoyi Hindiya”).
