O`zbekiston milliy terma jamoasi JCh–2018 turniriga saralash bosqichi “A” guruhi 8-turini Tehronda Eron termasiga qarshi o`tkazdi. “Ozodi” stadionida bo`lib o`tgan bellashuvda maydon egalari 2:0 hisobida g`alaba qozondi.
Uchrashuvning 4-daqiqasida Stanislav Andreev oyog`ini noqulay tarzda qayirib oldi va maydonni tark etishga majbur bo`ldi. Uning o`rniga Davron Xoshimov tushdi. 23-daqiqada Sardor Azmun darvozabon bilan birga-bir vaziyatga chiqdi va vaziyatdan unumli foydalanib, hisobni ochdi – 1:0. Birinchi bo`limda boshqa gol kiritilmadi va jamoalar tanaffusga Eronning kichik ustunligida chiqib ketdi.
Ikkinchi bo`lim boshida, aniqrog`i, bellashuvning 48-daqiqasida bosh hakam Aleksandr Lobanov darvozasi tomon penalti belgiladi. Eron termasi sardori Mas`ud Shojayi 11 metrlik zarbasini aniq ijro eta olmadi. O`yin yakunida, ya`ni, 88-daqiqada Mehdi Tarimi hisobni oshirdi – 2:0. Uchrashuv aynan shu hisobda tugadi.
Mazkur g`alabadan keyin Eron terma jamoasi ochkolari sonini 20 taga etkazib, Osiyodan birinchi, jahon miqyosida esa Braziliyadan keyin ikkinchi bo`lib JCh–2018 turniriga yo`llanma oldi. O`zbekiston termasi 12 ochko bilan uchinchi pog`onada qoldi.
JCh–2018 saralashi
Tehron, “Ozodi”
12 iyun, dushanba
Eron – O`zbekiston 2:0 (1:0, 1:0)
Gol: Sardor Azmun (23), Mehdi Tarimi (88)
Ogohlantirishlar: Sardor Azmun (75) – Vadim Afonin (28)
Amalga oshirilmagan penalti: Mas`ud Shojayi (50)
Eron: Alirizo Beiranvand, Milod Muhammadi, Jalol Hussayni, Said Izzatullohi, Mas`ud Shojayi (Ashkan Dejaga, 70), Murtazo Puraliganji, Ali Karimi, Mehdi Taremi, Alirizo Jahonbaxsh (Vohid Amiri, 45), Ramin Rezoian, Sardor Azmun.
O`zbekiston: Aleksandr Lobanov, Stanislav Andreev (Davron Xoshimov, 6), Anzur Ismoilov, Egor Krimes, Akmal Shorahmedov, Vadim Afonin (Sardor Rashidov, 53), Aziz Haydarov, Igor Sergeev, Odil Ahmedov, Eldor Shomurodov, Temurxo`ja Abduxoliqov (Jaloliddin Masharipov, 65).
| № | Jamoa | O`yin | G`alaba | Durang | Mag`lubiyat | T/N | Ochko |
| 1 | Eron | 8 | 6 | 2 | 0 | 8-0 | 18 |
| 2 | Janubiy Koreya | 7 | 4 | 1 | 2 | 9-7 | 13 |
| 3 | O`ZBEKISTON | 8 | 4 | 0 | 4 | 6-6 | 12 |
| 4 | Suriya | 7 | 2 | 2 | 3 | 2-3 | 8 |
| 5 | Xitoy | 7 | 1 | 2 | 4 | 3-7 | 5 |
| 6 | Qatar | 7 | 1 | 1 | 5 | 3-8 | 4 |
Suratlar manbasi: Lagardère Sports
