Osiyo mintaqasidan JCh–2018 turniriga saralash bosqichi “A” guruhi 8-turidan o`rin olgan Eron – O`zbekiston (2:0)2:0) uchrashuvidan keyin o`tkazilgan matbuot anjumanida Samvel Babayan o`z fikrlari bilan o`rtoqlashdi.
“Birinchi navbatda Eron terma jamoasini Rossiya bo`lib o`tadigan JCh–2018 turniriga chiqqani bilan tabriklayman. Ular haqli ravishda mundial yo`llanmasini qo`lga kiritganini tan olish kerak. O`zbekistonda JCh yo`llanmasini qo`lga kiritish uchun hamon imkoniyat saqlanib qoldi.
Mazkur o`yinga tayyorgarlik ko`rish jarayonida ko`plab yo`qotishlarga duch keldik va bugungi o`yin boshida yo`qotishlar yana bittaga ko`paydi. Bu uchrashuvdagi rejamizga o`z ta`sirini o`tkazdi va kutilgan o`yinni ko`rsata olmadik. Stanislav Andreevning jarohat olib, maydonni tark etishi va majburiy o`zgartirish amalga oshirganimiz sababli o`ylangan rejaga ko`ra Server Jeparov bugun maydonga tusha olmadi.
Yuqorida ta`kidlaganimdek, Jahon chempionatiga chiqish uchun imkoniyat saqlanib qoldi va buning uchun oxirigacha kurashamiz. Qolgan ikki o`yinda sifatli o`yin ko`rsatib, bor kuchimizga ishga solgan holda g`alaba qozonishimiz va oldinga intilishimiz kerak”, – dedi Samvel Babayan.
Ma`lumot uchun, 8-turdagi g`alabadan keyin Eron terma jamoasi ochkolari sonini 20 taga etkazib, muddatidan avval Rossiyadagi mundialga yo`llanma oldi. O`zbekiston 12 ochko bilan “A” guruhida uchinchi o`rinda bormoqda.
13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...
15.03.2023, 11:00
FIFA navbatdagi jahon chempionati formati borasida qaror qabul qildi va uni tasdiqlashga yaqin turibdi, deya yozdi "zamon.uz".Bu 48 ta jamoa ishtirok etadigan birinchi jahon chempionati...
24.01.2023, 10:47
Avval xabar qilganimizdek, O`zbekiston va Qirg`iziston hamkorlikda 19 turdagi engil avtomobillar, jumladan mikroavtobus, pikap, sedan va boshqalarni ishlab chiqarishni rejalashtirgan. Qirg`izistonda ishlab chiqarilgan avtomobillar narxi 13...
18.01.2023, 11:45
Rossiya prezidenti Vladimir Putin iqtisodiy masalalar bo`yicha yig`ilish o`tkazdi va unda Markaziy Osiyo mamlakatlaridagi sovuqlar haqida fikr bildirdi. Rossiya rahbari bosh vazir Mixail Mishustindan agrosanoat majmuasida...
