Xonanda Bahrom Nazarovning muxlislarga manzur bo`lgan taronalaridan biri “Nahotki”ga ishlangan klipi aslida o`g`irlangan bo`lib chiqdi.
Ijtimoiy tarmoqlardagi “Troll.uz” guruhining “Ko`chirma prodakshn” loyihasida ma`lum qilinishicha, “Nahotki” klipi g`oyasi turk xonandasi Mustafa Ceceli`ning Illede ask klipidan o`g`irlangan. Klipdagi holatlar to`laligicha bir xil. “Nahotki” klipi Illede ask`ning sekinlashtirilgan varianti, desak ham to`g`ri bo`ladi.
Bahrom Nazarovning “Nahotki” klipini rejissyor Sunnat Namozov ishlagan. Uning “g`oya”si Anvar Haydarovga tegishli. Qo`shiq muallifi Jasur Mavlonov. “Nahotki” klipi Youtube tarmog`iga 2017 yilning 30 yanvarida joylashtirilgan bo`lib, klip hozirgi kunga qadar 700 ming martadan ko`proq ko`rilgan.
Mustafa Ceceli`ning Illede ask taronasi esa 2015 yilning 3 iyulida Youtube`ga joylangan, klip bugungi kungacha salkam 69 million marta tomosha qilingan.
“Troll.uz” guruhining yozishicha, bir qarashda turkcha klipni o`zbekchalashtirishni klipmeyker uddalagan. Biroq, undagi ayrim jihatlar uncha o`xshamagan. Masalan, klipdagi xonandalarning mikrofonni otib, aylantirib ushlab olishlari bilan bog`liq sahnani o`zidek qilib ko`chira olishmagan.
Esingizda bo`lsa, Bahrom Nazarovning xit darajasiga ko`tarilgan “Pari-pari” qo`shig`i ham o`g`irlangan bo`lib chiqqan edi. O`shanda aksariyat muxlislar ijod olamiga endigina kirib kelayotgan yosh xonanda ilk qadamlaridayoq plagiatga qo`l urganini qattiq tanqid ostiga olishgan edi. Nahotki, Bahrom Nazarov ana o`sha tanqidlardan to`g`ri xulosa chiqarmadi? Yoki klip g`oyasi o`g`irlanganidan xonandaning xabari bo`lmaganmikin? Nima bo`lganida ham, xonandaning o`zidan bu borada izoh kutib qolamiz.
17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...16.11.2023, 12:40
Avvalroq, Toshkent viloyatidagi to`yda vertolyotdan foydalangani aks etgan video tarmoqlarda tarqalgan edi. Toshkent viloyati IIBB Yo`l harakati xavfsizligi boshqarmasi mazur holat bo`yicha ma`lumot taqdim etdi. Ma`lum qilinishicha, IIBB...10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...04.11.2023, 12:37
Farg`onada yangi tug`ilgan chaqaloq tashlab ketildi. "Zamon" dasturida mazkur hodisa bo`yicha tafsilotlar ma`lum qilindi.Ma`lum bo`lishicha, Farg`ona tumani Yuqori archa MFY hududidagi katta dalaga yangi tug`ilgan,...