Ulug`bek Qodirov “Baron 2” filmida suratga tushish yoki tushmasligi haqidagi savolga javob berdi. Shuningdek, ancha kamnamo bo`lib qolgan aktyor “My Day”`ga bergan intervyusida Farruh Soipov bilan munosabati va rejissyor sifatida faoliyat boshlashi haqida ham gapirdi.
“Baron 2” filmida suratga tushasizmi?
-Bu savol bir o`zimga bog`liq bo`lmagan jarayon haqida bo`libdi. Buni film ssenariysi va rejissyori hal qiladi. Hozircha bu haqda biror aniq fikr bildira olmayman, suratga tushishim ham, tushmasligim ham mumkin.
-Barcha futbol muxlislariga qiziq savol: «Real Madrid» jamoasiga muxlislik qilasizmi yoki «Barselona»gami?
-«Real Madrid» jamoasiga.
-Aktyor Farruh Soipov bilan orangizda «olamushuk» o`tgan deyishadi, shu rostimi?
-Farruh Soipov bilan munosabatimiz do`stona.
-Rejissyor sifatida faoliyat boshlashingiz haqida anchadan buyon gap-so`zlar yuradi, bu borada aniq to`xtamga keldingizmi?
-Qachonligini aniq ayta olmasam ham, triller va ekshn janrida film suratga olishni rejalashtirganman.
Ma`lumot uchun, aktyor Ulug`bek Qodirov ishtirok etgan so`nggi loyihalardan bu – «Toshkent» telekanali orqali namoyish etilgan «Saodat» milliy seriali bo`ldi. Mazkur serialning 1-fasli tamom bo`lgan va hozirda 2-fasl ustida ish olib borilmoqda.
