Ijtimoiy tarmoqlarda sirli video paydo bo`ldi, deb xabar berdi Vesti.ru nashri.
Devorning ikki tomonida ko`zgu mavjud bo`lgan raqs studiyasida mashq qilayotgan raqqosaning aksi o`z holicha harakatlandi.
Ijtimoiy tarmoq foydalanuvchilari bu holatga izoh topa olmadi. Videoda raqqosa qizning raqs tushgani, keyin dam olish uchun polga o`tirgani, uning ortidagi ko`zgudagi aksi o`z holicha o`rnidan turib, harakatlangani aks etgan. Raqqosa qiz esa ko`zgudagi “arvoh”ga e`tibor bermay, studiyani tark etgan.
Ba`zi bir foydalanuvchilar mazkur voqeani paranormal holat deb, boshqalar esa raqqosa qiz bilan birga unga o`xshab kiyingan boshqa qiz sinxron ravishda raqsga tushgan deya hisoblamoqda. Videorolik aynan qaerda suratga olingani haqida ma`lumot berilmagan.
