Toshkentning “Bunyodkor” jamoasi hujumchisi Eldor Shomurodov keyingi faoliyatini Rossiya premer-ligasi vakili “Rostov” klubida davom ettiradi.
Birinchi davra oxirlarida “Bunyodkor” futbol klubiga Eldor Shomurodov transferi masalasida Rossiyaning “Rostov” klubidan taklif tushdi. Olib borilgan muzokaralardan so`ng Eldor Shomurodov “Bunyodkor”dan “Rostov”ga o`tdi.
Aytish joizki, “Bunyodkor” futbol klubi o`z tarkibidagi futbolchilarining biznikidan kuchliroq bo`lgan xorij chempionatlariga yo`l olishiga doimo ijobiy munosabatda bo`lib keladi. O`ylaymizki, Eldor Shomurodov Rossiya premer-ligasida to`p tepib, orttiradigan tajribasi va mahorati kelajakda O`zbekiston milliy terma jamoasi uchun foydali bo`ladi. Shomurodov so`nggi yillarda premer-liga bahslarida o`z o`rniga ega bo`lishgan Odil Ahmedov, Vitaliy Denisov, Vadin Afonin singari nom qozonib, Rossiya chempionatida munosib ishtirok etadi. Qayd etish kerakki, Eldor Shomurodov "Bunyodkor" FKdan Rossiya chempionatiga yo`l olgan o`zbekistonlik birinchi futbolchi bo`ldi.
Eldor Shomurodov "Bunyodkor"dagi ikki yarim yillik faoliyati mobaynida 83ta uchrashuv o`tkazib, raqiblari darvozasiga 22ta gol urdi.
“Bunyodkor” futbol klubi akademiyasi esa yangidan-yangi yulduzlarni kashf qilishda davom etadi. O`ylaymizki, futbol maktabimizda tarbiya topayotgan yosh futbolchilar uchun Shomurodovning “Rostov”ga o`tishi qo`shimcha kuch bag`ishlab, ularning o`z ustilarida yanada ko`proq ishlashiga va kelajakda mohir futbolchi bo`lib etishishiga turtki bo`ladi.
15.03.2023, 11:00
FIFA navbatdagi jahon chempionati formati borasida qaror qabul qildi va uni tasdiqlashga yaqin turibdi, deya yozdi "zamon.uz".Bu 48 ta jamoa ishtirok etadigan birinchi jahon chempionati...
07.05.2022, 09:03
Xabaringiz bor 17-18 may kunlari Toshkentda Italiya va O`zbekiston futboli afsonalari uchrashuvi o`tkazilishi rejalashtirilgan. O`zbek futbolining 110 yilligiga bag`ishlab o`tkazilayotgan ushbu o`yinda uzoq yillar davomida...
23.10.2021, 22:16
Superliganing 23-turidan o`rin olgan "Qo`qon-1912" - "Lokomotiv" (2:1) uchrashuvidan so`ng mehmonlar bosh murabbiyi Mikael Sekeyra fikrlarini bildirib o`tdi.Portugaliyalik mutaxassis o`yindan keyin o`zbek futbolidagi tizimni keskin...
22.10.2021, 14:47
Bortida Olmaotaning “Qayrat” klubi futbolchilari va murabbiylar shtabi bo`lgan samolyot halokatga uchradi. Bu haqda Vesti.kz xabar bermoqda.Qayd etilishicha, baxtsiz hodisa Olmaota xalqaro aeroportida ro`y bergan. FlyJet...
