O`zbekiston milliy terma jamoasi 17–23 iyul kunlari JCh–2018 saralash bosqichiga tayyorgarlik ko`rish doirasida Turkiyada o`quv-mashg`ulotlar yig`inini o`tkazadi. Bosh murabbiy Samvel Babayan yig`in oldidan Uff.uz saytiga intervyu berib, rejalari haqida so`zlab berdi.
“O`zbekiston terma jamoasi oldiga qo`yilgan vazifaga to`g`ri munosabatda bo`lgan va futbolchilarni har doim ortiqcha to`siqsiz terma ixtiyoriga qo`yib yuborayotgan klublar bosh murabbiylari va rahbariyatiga minnatdorchilik bildiraman.
Shuningdek, bizni har qanaqasiga qo`llab-quvvatlagan muxlislar va jurnalistlarga rahmat. Hozir hammaning to`g`ri munosabati va xayrixohligi biz uchun har doimgidan ham zarurroq. Faqat shundagina O`zbekiston terma jamoasi oldiga qo`yilgan vazifani bajara olamiz. Biz O`zbekiston chempionati birinchi davrasida o`zini ko`rsata olgan futbolchilarni termaga jalb qildik. Bu bilan eng yaqin zaxira kuchlarini batafsil o`rganib chiqish imkoniyatiga ega bo`lamiz.
Ushbu yig`inda ishtirok etadigan futbolchilar orasida katta ehtimol bilan saralashning so`nggi ikki muhim o`yinida maydonga tushadiganlar bor. Futbolchilar terma jamoa muhitini his qilib ko`rishlari biz uchun juda muhim. Yig`in davomida ikkita o`yindan tashqari futbolchilarni ko`plab nazariy materiallar tanishtirib boramiz. Maqsad – O`zbekiston terma jamoasi o`yinlarida ilgari suriladigan taktik talablarni yana bir bor ularning yodiga solish”, – dedi Samvel Babayan.
Qayd etish joiz, Marat Bikmaev, Islom To`xtaxo`jaev, Jamshid Iskanderov, Rustam Ashurmatov va Doston Hamdamov jarohatlardan keyin tiklanish jarayonini o`tkazayotgani uchun, Aziz G`aniev, Javohir Siddiqov va Odil Hamrobekov U-23 Osiyo chempionatida ishtirok etayotgani bois yig`inga qo`shila olmadi.
Eslatib o`tamiz, Samvel Babayan Turkiyadagi o`quv-mashg`ulotlar yig`iniga 20 nafar futbolchini jalb qildi. Yig`in FIFA kunlarida o`tkazilmayotgani tufayli legioner futbolchilar taklif qilinmadi.
Ma`lumot uchun, O`zbekiston milliy terma jamoasi JCh–2018 turniri saralash bosqichi 9-turini 31 avgust kuni safarda Xitoy termasiga qarshi o`tkazsa, 5 sentyabr kuni 10-tur doirasida Toshkentda Janubiy Koreyaga qarshi bahs olib boradi.
Ayni paytda O`zbekiston 8 ta o`yindan keyin 12 ochko to`plab, to`g`ridan-to`g`ri qo`lga kiritilishi mumkin bo`lgan yagona yo`llanma uchun kurashda 2-o`rindagi Koreyadan 1 ochkoga ortda qolmoqda.
15.03.2023, 11:00
FIFA navbatdagi jahon chempionati formati borasida qaror qabul qildi va uni tasdiqlashga yaqin turibdi, deya yozdi "zamon.uz".Bu 48 ta jamoa ishtirok etadigan birinchi jahon chempionati...07.05.2022, 09:03
Xabaringiz bor 17-18 may kunlari Toshkentda Italiya va O`zbekiston futboli afsonalari uchrashuvi o`tkazilishi rejalashtirilgan. O`zbek futbolining 110 yilligiga bag`ishlab o`tkazilayotgan ushbu o`yinda uzoq yillar davomida...23.10.2021, 22:16
Superliganing 23-turidan o`rin olgan "Qo`qon-1912" - "Lokomotiv" (2:1) uchrashuvidan so`ng mehmonlar bosh murabbiyi Mikael Sekeyra fikrlarini bildirib o`tdi.Portugaliyalik mutaxassis o`yindan keyin o`zbek futbolidagi tizimni keskin...22.10.2021, 14:47
Bortida Olmaotaning “Qayrat” klubi futbolchilari va murabbiylar shtabi bo`lgan samolyot halokatga uchradi. Bu haqda Vesti.kz xabar bermoqda.Qayd etilishicha, baxtsiz hodisa Olmaota xalqaro aeroportida ro`y bergan. FlyJet...