Xitoyning “Shanxay SIPG” jamoasi faoliyat olib borayotgan Odil Ahmedov “Arsenal” va “Nissa” unga qiziqqanini va kelajagi borasida fikr bildirdi, deya ma`lum qiladi Sports.uz nashri.
“2011 yil men “Arsenal”ga o`tishim mumkin edi. Albatta, kim ham bunday jamoada o`ynashni istamaydi deysiz. Biroq o`shanda, men “Anji” bilan shartnoma imzolagan edim. Ular meni qo`yib yuborishmadi. Chunki, o`shanda, Evropa darajasidagi jamoa shakllantirilishi aytilgan edi.
Bundan ikki yil oldin APL jamoasidan taklif bo`ldi. Yaqinda “Nissa” ham taklif bilan chiqqan edi. “Krasnodar” Evropa ligasida ular bilan ro`baro kelgan edi. Ularga o`yinim yoqqan shekilli, mavsum yakunlanganidan so`ng, fransuzlar “Krasnodar”ga taklif bilan chiqdi.
Biroq meni “buqalar” bilan shartnomam bor edi. Fransuzlar bildirgan transfer summasi esa rus klubini qanoatlantirmadi. Men buni to`g`ri tushundim va qabul qildim. Mening Xitoyga transferim hammaga foyda bo`ldi. Jumladan, “Krasnodar”ga ham. Axir jamoa uchun futbolchini 500 ming emas, 5 mlnga sotgan afzal-ku. Bilishimcha, Rossiyaga boshqa qaytmayman. “Shanxay”dan so`ng, o`z Vatanimda o`ynashni istayman”, – dedi Odil Ahmedov.
