Jahon boks federasiyasi (WBF) talqinining yarim engil vazn toifasidagi jahon chempioni, 26 yoshli Anjelik Dyushman vafot etdi, deb xabar berdi Tvzvezda.ru nashri.
Fransiyalik sportchi qiz 28 avgust kuni mashg`ulot paytida o`zini yomon his qilgan, u zudlik bilan kasalxonaga olib borilganligiga qaramay, shifokorlar sportchi qizning hayotini saqlab qololmadi.
Dastlabki taxminlarga ko`ra, jahon chempionining o`limiga o`pka arteriyasining emboliyasi sabab bo`lgan. Dyushman 2017 yilning may oyida vakant unvoniga ega bo`lib, oktyabr oyida ilk himoyasini amalga oshirishi lozim edi. Qizning otasi ham professional bokschi bo`lib, bundan 4 yil ilgari yurak xurujidan vafot etgan edi.
