— Sil kasalligi bilan jamoat taransportida kasallanish mumkinmi, shu haqda to`liq ma`lumot bersangiz.
S.T. Jizzax shahri
Nargiza NAJIMITDINOVA, oliy toifali shifokor-terapevt:
— Baxtga qarshi, mumkin. Ammo vahima qilishga shoshilmang, chunki dunyoga kelgan har bir bola hayotining ilk kunlaridayoq silga qarshi ( BSJ) emlanadi. Keyinchalik shifokorlar sinash yo`li bilan emlanish immuniteti qanchalik yaxshiligini tekshirib borishadi. Lekin hech bir kishi umri davomida sil qo`zg`atuvchilariga yo`liqishdan kafolatlanmagan.
Agar kishining organizmi baqquvat, immuniteti kuchli bo`lsa va jamoat transportida sil bilan kasallangan kishi siz tomonga qarab yo`talsa, kasallanmaysiz.