Bir necha yillardan buyon qarovsiz holda turgan Toshkentdagi «Chorsu» mehmonxonasining taqdiri hal bo`ldi.
Turkiyaning Demir Group kompaniyasi mazkur mehmonxona negizida sayyohlik majmuasini quradi.
O`zbekiston Prezidenti Shavkat Mirziyoev 7 sentyabr kuni Demir Group kompaniyasiga ushbu majmuani «nol» qiymatida sotish to`g`risida takliflarni maqullab qaror imzoladi.
Turk kompaniyasi, Davlat investisiya qo`mitasi, Turizmni rivojlantirish bo`yicha davlat qo`mitasi hamda Toshkent shahar hokimiyati bu borada hamkorlik memorandumini imzolashdi, deb yozadi UzDaily.
Hujjat doirasida Demir Group «Chorsu» mehmonxonasini to`liq qayta qurib, uning o`rniga zamonaviy mehmonxona va biznes markazi barpo etadi.
Demir Group hajmi $33 mln. bo`lgan investision va ijtimoiy majburiyatlarni oldi. Investisiya ikki yil davomida kiritiladi.
«Eski Shaxar» sayyohlik zonasi mehmonxona, savdo-ko`ngilochar, sog`lomlashtirish va sayyohlik majmualarini o`z ichiga oladi. Hududda shuningdek do`konlar, hunarmandlarning ustaxonalari joylashadi.
Mehmonxona majmuasi 270 xonadan iborat bo`ladi. Mehmonxonada restoranlar, do`konlar va SPA-salonlar faoliyat yuritadi.
Loyihani amalga oshirish uchun Inter Tourism qo`shma korxonasi tashkil etilib, O`zbekiston rahbari ushbu QKga soliq va bojxona imtiyozlarini taqdim etdi.
