Rossiyada bo`lib o`tayotgan O`zbekiston madaniyati kunlari munosabati bilan Moskvaga tashrif buyurgan O`zbekiston madaniyat vaziri Baxtiyor Sayfullaev Sputnik axborot agentligi va NTV telekanali hamkorligida o`tkazilayotgan xalqaro "T super. Tans" tanlovining o`zbekistonlik ishtirokchilari bilan uchrashdi.
Toshkent viloyati Bo`ka tumanidagi bolalar uyi tarbiyalanuvchilari Anastasiya Molokova, Durdona Ergasheva va Monika Dodarbekovalar tanlovning birinchi bosqichida g`oliblar safidan joy olib, keyingi bosqichga chiqishgan.
Baxtiyor Sayfullaev yosh raqqoslalarni san`atga ilk qadam qo`yganlari bilan tabrikladi va o`zbek san`atini jahonga tanitadigan avlodni hamisha qo`llab-quvvatlashga tayyorekanini ta`kidladi.
Baxtiyor Sayfullaev o`zbekistonlik yosh iste`dodlarga hamisha kitob bilan oshno bo`lishni maslahat berdi hamda ularga omad tiladi.
Qizlar shuningdek, Moskvadagi "Kosmos" konsert zalida bo`lib o`tgan O`zbekiston san`at ustalari ishtirokidagi konsertda ham chiqish qildilar.