— Bir yoshdan oshgan qizalog`imning sut tishlari xuddi kariesdan zararlangandek qorayib qolgan. Hali kichik bo`lsa, nega bunday bo`ladi? Sababini tushuntirib bersangiz? Biror chora ko`rish kerakmi?
Isroil, Toshkent viloyati
Sherzod XANNAROV , shifokor-stomatolog:
— Go`daklar sut tishining qorayib qolishi asosan ona organizmining homiladorlik davri kalsiyga ehtiyoj sezganidan kelib chiqadi. Endigi vaziyatda qizalog`ingizni pediatr ko`rigidan o`tkazib, zarur bo`lsa, kalsiy preparatlarini berish lozim. Shu bilan birga, bolalar stomatologiga murojaat etsangiz, tishdagi qorayishni to`xtatish uchun kumush kukunini surtish amalga oshiriladi.
