Bugun O`zbekiston Milliy Olimpiya Qo`mitasining anjumanlar zalida O`zbekiston Futbol Federasiyasi Prezidenti Umid Ahmadjonov ishtirokida matbuot anjumani bo`lib o`tdi.
Tadbir davomida O`FFning yangi rahbari jurnalistlarni qiziqtirgan savollarga javob qaytardi.
Xususan, jurnalistlar tomonidan O`zbekiston terma jamoasining bo`lg`usi murabbiyi yuzasidan berilgan savolga Federasiya rahbari quyidagi javobni qaytardi:
“Bugun terma jamoaga kim murabbiy etib tayinlanishi eng dolzarb masalalaridan biri bo`lib turibdi. Ayni damda bu borada muzokaralar olib borilmoqda, biroq qoidaga ko`ra muzokaralar chog`ida nomzodlarning nomlarini e`lon qilib bo`lmaydi. So`nggi qaror qabul qilingach rasmiy saytimiz orqali yangi murabbiy nomini e`lon qilamiz”
