Toshkent shahar IIBB Janubiy Koreya fuqarosiga nisbatan bosqinchilik sodir etgan shaxsni qo`lga oldi.
2017 yilning 17 oktyabr kuni taxminan soat 23:40larda, Xasanov Zuxriddin Nizomiddin o`g`li, bosqinchilik yo`li bilan o`zganing mol-mulkini talon-toroj qilish maqsadida, Mirobod tumani hududida, Janubiy Koreya fuqarosi Min Chung Yon.ga hujum qilib, uning sog`ligi uchun xavfli bo`lgan zo`rlik ishlatib, ikki dona “Samsung” rusumli uyali telefonlari, fuqarolik pasporti hamda 2.000.000 so`m miqdoridagi pullarini egallab olib, jinoyat sodir etilgan joydan yashiringan.
Mazkur holat yuzasidan Mirobod tumani IIB huzuridagi Tergov bo`limi tomonidan O`zbekiston Respublikasi JKning 164-moddasi 1-qismi (bosqinchilik, ya`ni o`zganing mulkini talon-toroj qilish maqsadida hujum qilib, hayot va sog`liq uchun xavfli bo`lgan zo`rlik ishlatish) alomatlari bilan jinoyat ishi qo`zg`atilgan.
Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.
Jabrlanuvchining anketa ma`lumotlari o`zgartirilgan bo`lib, familiya va ismlarning har qanday o`xshashligi tasodifiy xarakterga ega.
