AQShning mashhur siyosatchi ayollaridan biri Xillari Klinton 70 yoshni qarshi oldi.
Xillari Klinton (Dayan Rodem qizlik familiyasi) 1947 yilning 26 oktyabrida Chikagoda tug`ilgan. U turmush o`rtog`i va AQShning sobiq prezidenti Bill Klinton bilan nufuzli Yel universitetida yuridik bilimlarni egallayotgan davrida tanishgan. Xillari hayotining aksariyat qismini turmush o`rtog`ining siyosiy karerasi soyasida o`tkazdi, biroq o`zining ham siyosatga qiziqishi katta bo`lgan.
Bill Klintonning prezidentlik davri nihoyasiga etgach, Xillari dastlab Nyu-York shtati senatori bo`ldi, 2008 yilda esa Demokratik partiya praymerizida bo`lg`usi prezident Barak Obama bilan raqobatlashdi. Shundan davlat kotibi lavozimida faoliyat yuritdi va qattiqqo`l diplomat sifatida nom qozondi.
2016 yilda Hillari Klinton mamlakat prezidenti saylovlarida demokratlar nomzodi bo`ldi. U saylovchilar ovozi soni bo`yicha respublikachilar vakili Donald Trampni ortda qoldirdi, biroq tanlovchilar ovozi soniga ko`ra mag`lub bo`ldi.
Shuningdek, Klinton siyosat olamida ayollar huquqini himoya qilish borasida ko`plab ishlarni olib bordi. Bu mavzuda kitoblar yozdi, hatto tenghuquqlik nutqi uchun «Gremmi» mukofotini qo`lga kiritdi.
