Ota va farzandlar... Ular orasidagi chigal munosabatlar... Unutilayozgan mehr... Boy berilgan imkoniyatlar...
Bir umr huquq-tartibot idoralarida xizmat qilib, iste`foga chiqqan Rahim ota o`tgan hayotiga nazar tashlaydi. Yaqinlarini to`plashga, yana avvalgidek bir oila bo`lib yashashga harakat qiladi. Biroq, uning urinishlari samara bermaydi. Faqat bir tasodif tufayligina ular yana eski – ota uyida birlashadilar.
O`zbekiston xalq artisiti Po`lat Saidqosimov hamda Alisher Uzoqov, Bobur Yo`ldoshev, Feruza Sobitova, Uchqun Tillaev, Feruza Saidova singari taniqli aktyorlar ishtirok etgan "Ota uy" badiiy filmi joriy yilning 3 noyabr kuni Alisher Navoiy nomidagi kinosaroyida tomoshabinlar hukmiga havola etiladi.
