Bir paytlar Kaliforniyaning Nepa vodiysida ulkan oshqovoq etishtirgan kishi dunyoga mashhur bo`lib ketgandi. Uning 933 kilogrammlik oshqovog`i eksponatga aylantirilib, o`zi yaxshigina mukofot puliga ega bo`ldi. Kaliforniyaniki kabi katta bo`lmasa-da, o`zimizda ham ulkan qovoq etishtirilgan. Samarqand shahrida istiqomat qiluvchi Muqimjon Oripov uzoq yillardan beriiqlimimizga xos bo`lmagan gul, daraxt va poliz ekinlarini parvarishlab keladi. U 2014 yilda qovoqning “Kukurbita maksima” hamda “Atlant gigant” kabi turlarini o`z tomorqasida o`stirdi. U etishtirgan “Kukurbita maksima”ning balandligi 75 santimetr, aylanasi esa bir yarim metrdan ortiq bo`lgan. Og`irligi 60 kilogramdan ziyod. “Atlant gigant”ning birmuncha bo`yi past bo`lsa-da, ellik kilogrammdan ko`proq tosh bosadi.
