YoShLAR O`RTASIDA SPORT MUSOBAQALARIGA START BERILDI

Poytaxtimizdagi Shayxontohur tumani xalq ta`limi bo`limi tashabbusi bilan tumandagi 41 – sonli umumiy o`rta ta`lim maktabida tumanda joylashgan maktab o`quvchilari o`rtasida «Umid nihollari – 2017» sport musobaqalari boshlandi. Ushbu tadbirni o`tkazishdan maqsad, o`sib kelayotgan yosh avlod sog`lig`ini mustahkamlash, bolalar hamda o`smirlarni jismoniy tarbiya va sport bilan muntazam shug`ullanishga jalb etishdan iborat. Albatta ushbu musobaqalarda ishtirok etayotgan bolalarning harakat faolligi va aqliy rivojlanishi oshib, turmush tarzi tamoyillari, shuningdek sportni ommalashtirish va sport bilan shug`ullanishga bo`lgan ehtiyoj shakllantiriladi.