Dunyodagi eng yirik Facebook ijtimoiy tarmog`i WhatsApp messenjerini 19 milliard AQSh dollari evaziga sotib oladi.
Kelishuv kompaniya aksiyalari va pul mablag`lari orqali to`lanishi ko`zda tutilgan.
ITAR-TASS axborot agentligining ma`lumotlariga ko`ra, WhatsApp xizmatidan 100 dan ortiq mamlakatlarda foydalanishadi. Ushbu ilovani iOS, Android, BlackBerry, Nokia S40, Symbian hamda Windows Phone platformalarida ishlovchi qurilmalarga o`rnatish mumkin.
Ta`kidlash joizki, WhatsApp’ning har oylik foydalanuvchilari soni 400 milliondan ortiqni tashkil qiladi.