Ashrita Furman 1979 yildan beri 400 dan ziyod rekord o`rnatgan. Uning favqulodda noyob fantaziyaga egaligi ayni haqiqat. Ashrita uddalashiga ko`zi etgan barcha ishga qo`l urgan va ehtimol, shunday tryuklarni birinchi bo`lib bajargani uchun ham rekordchi bo`lgandir. U eng og`ir botinkani kiygan, sakrab-sakrab juda uzoq masofani bosib o`tgan, beysbol bitasini birgina barmog`ida tutib turgan, eng ulkan gimnastik halqani aylantirgan va yana shunga o`xshash yuzlab ahmoqona harakatlarni bajargan. Bugungi kunda Ashrita Furman 148 ta rekord yo`nalishida mutlaq peshqadam sanaladi, qolgan 252 ta natija esa boshqalar tomonidan yangilangan.