Ашрита Фурман 1979 йилдан бери 400 дан зиёд рекорд ўрнатган. Унинг фавқулодда ноёб фантазияга эгалиги айни ҳақиқат. Ашрита уддалашига кўзи етган барча ишга қўл урган ва эҳтимол, шундай трюкларни биринчи бўлиб бажаргани учун ҳам рекордчи бўлгандир. У энг оғир ботинкани кийган, сакраб-сакраб жуда узоқ масофани босиб ўтган, бейсбол битасини биргина бармоғида тутиб турган, энг улкан гимнастик ҳалқани айлантирган ва яна шунга ўхшаш юзлаб аҳмоқона ҳаракатларни бажарган. Бугунги кунда Ашрита Фурман 148 та рекорд йўналишида мутлақ пешқадам саналади, қолган 252 та натижа эса бошқалар томонидан янгиланган.
