Respublikamizda xorijiy valyutalarnig erkin konvertasiyasi yo`lga qo`yilgan bo`lsa-da, ayrim fuqarolar hanuzgacha chet el valyutalarining noqonuniy savdosi bilan shug`ullanishga harakat qilayotganligi huquqni muhofaza qiluvchi organlar hamkorligida o`tkazilayotgan tezkor tadbirlar natijasida aniqlanmoqda.
Xususan, nazorat tartibida o`tkazilgan shunday tadbirlardan birida Urganch shahrida yashovchi, 1992 yilda tug`ilgan, S.M Bog`ot tumanida yashovchi, 1986 yilda tug`ilgan tanishi O.T bilan jinoiy til biriktirib, fuqaroga jami 6500 AQSh dollarini 53300000 so`mga sotayotganlarida qo`lga olindi. Ushbu noqonuniy valyutafurushlar ko`zdan kechirilganida, ular yana 200 AQSh dollari, 1300 Rossiya rubli, 27000 Qozog`iston tengesi va 1500000 so`m pullarni kelgusida noqonuniy ravishda o`tkazish maqsadida saqlab qo`yganliklari ma`lum bo`ldi.
Bundan tashqari, o`tkazilgan tezkor tadbir jarayonida Urganch shahrida yashovchi, 1966 yilda tug`ilgan J.D. uyi oldida 10000 AQSh dollarini 81000000 so`mga sotmoqchi bo`lganida ushlandi.
Mazkur holatlar yuzasidan jinoyat ishlari qo`zg`atilib, yuqoridagi valyuta qimmatliklari jinoyat ishi bo`yicha ashyoviy dalil tariqasida tegishli tartibda rasmiylashtirib olindi.
