Steren Le Magyor, Milliy ilmiy tadqiqotlar markazi Arxeologiya doktori (Fransiya): — 28-29 noyabr kunlari Toshkentda o`tadigan “Zamonlar chorrahasi: o`tmishning buyuk merosi-ma`rifatli kelajak poydevori” forumida ishtirok etish men uchun katta sharaf. Loyiha tashkilotchilariga chuqur minnatdorchiligimni bildiraman. Mazkur yuksak ilmiy ahamiyatga ega loyihaga omad tilayman.
Mening bu loyihaga qo`shadigan hissam Fransiyada Luvr va boshqa muzeylarda saqlanadigan o`zbek arxeologik ob`ektlariga qaratilgan. Asosiy maqsadim — O`zbekistonning Fransiyadagi merosining ahamiyatini tiklash, ushbu mavzuga bag`ishlangan nashrini taqdim etish, bu “O`zbekistonning jahon to`plamidagi madaniy merosi” to`plamining yangi to`plami bo`ladi.