2017 yilning 14 dekabr kuni O`zbekiston Respublikasi Bosh vazirining o`rinbosari – Qishloq va suv xo`jaligi vaziri Zoyir Mirzaev mamlakatimizga amaliy tashrif bilan kelgan Armaniston Respublikasi Qishloq xo`jaligi vaziri Ignatiy Arakelyanni qabul qildi.
Suhbat davomida ikkala mamlakat o`rtasida agrar sohadagi aloqalarni yanada rivojlantirish, o`zaro manfaatli loyihalarni amalga oshirish, jumladan, bog` va uzumzorlar tashkil etish, meva-sabzavot mahsulotlarini saqlash va qayta ishlash, qishloq xo`jaligini mexanzasiyalashtirish ko`lamini oshirish, mutaxassislar tajriba almashishini yo`lga qo`yish kabi masalalar atroflicha muhokama etildi.
