A.Shokirov, Samarqand viloyati
Rustam ZOKIROV, shifokor-dermatovenerolog:
— Zamburug`ga qarshi davolash choralari bajarilgach, har ikki haftada uch marta tahlil topshiriladi. Tahlil xulosasi “manfiy”, ya`ni zamburug` topilmadi, degan natijani ko`rsatsagina muolaja samarali yakunlandi, deb hisoblanishi mumkin. Bezovtalikning qaytalanishi esa ko`pincha kiyilgan poyabzalning etarlicha dezinfeksiya qilinmasligi oqibatida yuz beradi.
Bundan tashqari, oila a`zolaridan birida zamburug` bilan kasallanish holati mavjud bo`lsa, boshqalarning zararlanishiga olib kelishi mumkin. Zamburug`lar namlikni yaxshi ko`radi, agar muntazam ravishda havo o`tkazmaydigan oyoq kiyim, sintetik paypoqlardan foydalansangiz, terida yuzaga kelgan namlik tufayli zamburug`lar ko`payadi. Aytilganlardan kelib chiqqan holda, yana bir marta tibbiy ko`rikdan o`ting.