Toshkent shahar IIBB xodimlari bir nechta yosh fuqarolarda yirik miqdorda pirotexnika buyumlari mavjudligini aniqladi.
Shayxontohur tumani, A.Navoiy ko`chasida “Matiz” rusumli avtomashina tekshirish uchun to`xtatilganida, avtomashinada 1998 yilda tug`ilgan Bahromov Avaz Anvar o`g`li, 1995 yilda tug`ilgan Ergashev Doston Ulug`bek o`g`li hamda haydovchi 1993 yilda tug`ilgan To`xtaohunov Sanjar Ahmadjon o`g`li bo`lgan.
Avtomashina saloni tekshirilgan vaqtda ikki dona sumkalar borligi, ularning ichida 84 blok «Mikki Maus», 10 quti «Petard», 5 dona salyut, 3 dona «7-Shot» salyuti, 8 dona «Novogodnyaya noch» pirotexnika buyumlari mavjudligi aniqlangan.
Mazkur holat yuzasidan yuqorida ko`rsatib o`tilgan pirotexnika buyumlari belgilangan tartibda olinib, A.A.Bahromov, D.U.Ergashev va S.A.To`xtaohunovlarga nisbatan tegishli hujjatlar rasmiylashtirilgan.
