Tojikistonning“Asia-Plus” nashrining yozishicha, “O`zbekiston havo yo`llari” Milliy aviakompaniyasi rasmiy Dushanbega Samarqand va Buxoro shahrini Tojikiston poytaxti bilan bog`lovchi yangi aviareyslarni yo`lga qo`yish taklifi bilan chiqqan.
Manbaning ma`lumotiga ko`ra, bu taklif hozircha o`rganib chiqilmoqda va ijobiy hal qilinishiga ishonch bildirilmoqda.
O`zbekistonning tashabbusi bilan, o`tgan yilning aprel oyida Toshkent – Dushanbe – Toshkent aviareysi bir tomonlama tiklangan.
«O`zbekiston havo yo`llari» Milliy aviakompaniyasi hozirgi vaqtda Dushanbega haftasiga bir marta - seshanba kuni A320 samolyotida parvozni amalga oshirmoqda.
