2010 yilda serjunligi tufayli Ginnesning rekordlar kitobiga kiritilgan, Tailandda yashovchi 17 yoshli Supatra Susufan ismli qiz turmushga chiqdi, deb xabar berdi Vesti.ru nashri.
Tailandlik qiz juda kam uchraydigan — Abrams sindromiga chalingan. Kasallik oqibatida uning tanasini butunlay jun qoplagan. Mutaxassislarning ma`lumot berishicha, beshinchi asrdan beri dunyoda bor-yo`g`i 50 nafar odam mazkur kasallikka chalingan.
Qiz bu darddan lazer epilyasiyasi orqali qutulishga harakat qildi, ammo bu usul qiz kutgan natijani bermadi. Supatra maktabda o`qib yurgan chog`larida uni sinfdoshlari serjunligi uchun kalaka qilishar, shuning uchun ham qizning do`stlari yo`q edi. Biroq Supatra bunday kamsitishlarga ko`pam e`tibor bermadi.
Qiz turmush o`rtog`i uni qanday bo`lsa, shundayligicha sevishini ma`lum qildi. Supatra uni hayotidagi yagona muhabbati, deb qabul qildi .
