2010 йилда сержунлиги туфайли Гиннеснинг рекордлар китобига киритилган, Таиландда яшовчи 17 ёшли Супатра Сусуфан исмли қиз турмушга чиқди, деб хабар берди Vesti.ru нашри.
Таиландлик қиз жуда кам учрайдиган — Абрамс синдромига чалинган. Касаллик оқибатида унинг танасини бутунлай жун қоплаган. Мутахассисларнинг маълумот беришича, бешинчи асрдан бери дунёда бор-йўғи 50 нафар одам мазкур касалликка чалинган.
Қиз бу дарддан лазер эпиляцияси орқали қутулишга ҳаракат қилди, аммо бу усул қиз кутган натижани бермади. Супатра мактабда ўқиб юрган чоғларида уни синфдошлари сержунлиги учун калака қилишар, шунинг учун ҳам қизнинг дўстлари йўқ эди. Бироқ Супатра бундай камситишларга кўпам эътибор бермади.
Қиз турмуш ўртоғи уни қандай бўлса, шундайлигича севишини маълум қилди. Супатра уни ҳаётидаги ягона муҳаббати, деб қабул қилди .
