Ushbu baliqni 2 million AQSh dollari evaziga sotish, 2875 ta buterbrod qilish, o`nlab oilalarni qornini to`ydirish mumkin edi. Ammo, Donna Pako tutgan katta tunes balig`ini uy devoriga osib qo`ymoqchi.
The Daily Mail nashrining yozishicha, yangi zelandiyalik Donna ushbu baliqni tutish uchun 4 soat kurashgan. Natijada qarmoqqa 411 kilogramli katta tunes ilingan. Uni suvdan chiqarib olish uchun uchta erkak kerak bo`ldi.
Ushbu tunes o`tgan yili Yaponiya "kim oshdi" savdosida 1,09 mln AQSh dollariga sotilgan tunesdan ikki barobar katta. Bundan tashqari ushbu tunes dunyodagi qarmoq orqali tutilgan eng yirik baliq bo`ldi.
