Sahroi Kabirda ketma-ket ikkinchi yil qor yog`ishi qayd etildi. Bu haqda Jazoirning “TSA” gazetasi xabar qildi.
Nashr ma`lumotlariga ko`ra, qor yakshanba kuni ertalab Jazoir shimolidagi Ayn-Sefr shahriga yoqqan. Qor qalinligi 40 santimetrgacha etgan, lekin kechga yaqin erib ketgan.
Ma`lumotlarga ko`ra, so`nggi 37 yilda cho`lga to`rt marta qor yoqqan. Qor oxirgi marta Sahroi Kabirga 2017 yilda yoqqandi.
