Qirg`iziston Respublikasi Prezidenti Sooronbay Jeenbekov Qozog`istonning Aqto`be viloyatida yuz bergan fojia oqibatida O`zbekiston fuqarolari qurbon bo`lgani munosabati bilan O`zbekiston Respublikasi Prezidenti Shavkat Mirziyoevga ta`ziya izhor etdi.
“Qirg`iziston Respublikasi xalqi va shaxsan o`zim nomimdan Qozog`iston Respublikasining Aqto`be viloyatida yuz bergan fojea oqibatida O`zbekiston fuqarolari qurbon bo`lgani munosabati chuqur hamdardlik bildiraman.
Nobud bo`lganlarning oila a`zolari va yaqinlariga samimiy hamdardlik va dalda so`zlarini, shuningdek, jabrlanganlarga tezroq sog`ayib ketish tilagini etkazishni so`rayman. O`rnini to`ldirib bo`lmaydigan qayg`uga sherikmiz”, deyiladi telegrammada.