Qozog`istonning Aqto`be viloyatida avtobus yonib ketishi oqibatida 50 dan ortiq O`zbekiston fuqarosi halok bo`lgani munosabati bilan qozog`istonliklar O`zbekistonning Olmaotadagi elchixonasi hamdardlik izhor etishga kelmoqda, deya xabar qildi Tengrinews.kz nashri.
Elchixona xodimlari aytishicha kechadan bo`yon shahar aholisi betinim kelib, hamdardlik bildirishmoqda. Ular o`zlari bilan gullar olib kelmoqda. Tashrif buyuruvchilar orasida talabalar ham bor.
