Bir o`g`il va ikki qizning mehribon onasi, xalqimizning sevimli aktrisasi va boshlovchisi Rayhon Ulasenova biz bilan bo`lgan suhbatda, qomatini qay tariqa avvalgi holiga qaytara olganini aytib o`tdi.
— Homiladorlik paytimda gormonal preparatlar qabul qilishimga to`g`ri keldi. Gormonlardan keyin ozish esa nihoyatda qiyin masala. Tug`ruqdan so`ng qomatni tartibga keltirishning eng maqbul usuli — sport bilan shug`ullanishni lozim topdim. Lekin parhez qilmayapman. Negaki, shirinliklarni yaxshi ko`raman. Jismoniy faollikning ortgani hisobiga qomatim avvalgi ko`rinishiga qaytyapti.
