O`zbekiston FVVning “Qamchiq” qidiruv-qutqaruv boshqarmasiga “TREKOL” yo`ltanlamas transport vositasi olib kelindi, deb xabar qiladi vazirlik matbuot xizmati.
Mazkur avariya-qutqaruv texnikasi Rossiya Federasiyasidagi “TREKOL” ilmiy-ishlab chiqarish korxanasi bazasida tayyorlangan bo`lib, uch o`qqa ega to`liq uzatmali mashina hisoblanadi. Er usti qatlamining o`ziga xosligidan kelib chiqib ichidagi bosim qo`l bilan boshqariladigan kamerasiz shinalar qo`yilgan.
“TREKOL”ning o`ziga xos jihati stekloplastikdan tayyorlangan engillashtirilgan hamda iliq kuzovi(o`gracha)dir. Odamlar va foydali yuklarni tashish uchun uchta: oldi tarafga ikkita va ort tomonga bitta eshik o`rnatilgan.
Mashina ichida haydovchi va yo`lovchi uchun ikkita o`rindiq bor. Yuk bo`limiga esa 8 kishi yoki 700 kilogrammgacha yuk sig`adi. G`ildirak formulasi 6X6, qattiq va qalin yuzada 700, yuqa yuzada va suvda 400 kg.gacha yuk ko`tarish imkoniyati mavjud. Transport vositasi asfaltli shosseda soatiga 70 km. tezlik bilan harakatlana oladi.
Hozirda ushbu transport vositasi “Qamchiq” yo`lida sinovdan o`tkazilmoqda, deyiladi xabarda.
