2017 yilda Tojikiston O`zbekiston hududida sodir etilishi mumkin bo`lgan ikkita teraktning oldini olishga yordam berdi, deb xabar qildi Sputnik Tojikiston mamlakat ichki ishlar vaziri Ramazon Rahimzodaga asoslanib.
Vazirning so`zlariga ko`ra, Tojikiston yordami bilan Rossiya hududida besh, Xitoyda bir, O`zbekistonda ikki, Ukraina va Qozog`iston hududlarida bittadan teraktning oldi olingan.
Uning qo`shimcha qilishicha, o`tgan yili Iroq va Suriya hududida ID tarkibida janglarda qatnashgan 250 nafar Tojikiston fuqarosi halok bo`lgan. Yuzdan ortiq tojikistonlik o`z ixtiyori bilan Suriya va Iroqdan uylariga qaytishgan.
