Amerikada gripp epidemiyasi oqibatida mavsum davomida kamida 63 nafar bola olamdan o`tdi, deb xabar berdi «Izvestiya» nashri.
Faqat bir haftaning o`zida gripp 16 nafar bolaning umriga zomin bo`ldi. Infeksiya tarqalgani sababli 11 shtatdagi maktablarda mashg`ulotlar bekor qilindi.
Mamlakat miqyosida gripp bilan bog`liq kasalliklar 50 mingdan ortiq kishining hayotiga tajovuz qilishi mumkin. Ekspertlar epidemiya ko`lami 2009 yilgi cho`chqa grippi pandemiyasi ko`rsatkichlariga yaqinlashganini bildirmoqda.
