O`zbekiston xalq artisti Farrux Zokirov biz bilan bo`lan suhbatda ayollarga ajoyib ta`rif berdi...
— Bilasizmi, o`zbekistonlik ayollar boshqacha nazokatli. Ular qaysi millatga mansub bo`lmasin, O`zbekistonning havosidan nafas olib ulg`ayishganmi, ajralib turishadi. Xorijda uchratib qolsam ham, bitta harakati yoki so`zidan «O`zbekistonlikmasmisiz?» degan savolni beraman. «Ha, albatta, Toshkentda tug`ilganman, Samarqandda o`sganman» kabi javoblarni ko`p eshitganman. Ayolim rus millati vakilasi. Choy uzatishlari, so`zlashlaridan o`zbekona nazokat ufurib turadi.
