Dvigateli ishlamay qolgan samolyot Bishkek shahriga shoshilinch qo`nishni amalga oshirdi, deb xabar berdi Kp.ru nashri.
Yakshanba kuni Qirg`izistonning Tez Jet aviakompaniyasiga tegishli RJ-85 rusumli samolyoti Bishkekning Manas aeroportida shoshilinch qo`nishni amalga oshirdi.
Nashrning xabar berishicha, samolyot Moskva vaqti bilan 14:22 da Qirg`iziston poytaxtidan Batken shahri tomon parvozni amalga oshirgan. Biroq oradan ko`p vaqt o`tmay, samolyot uchuvchisi shoshilinch qo`nishga ruxsat so`ragan. Havo kemasining chap dvigateli ishlamay qolgani sababli ekipaj komandiri parvozni to`xtatishga qaror qilgan.
Samolyot Bishkek aeroportiga talafotsiz qo`ndi. Favqulodda vaziyat yuz bergan vaqtda bortda 96 nafar yo`lovchi bo`lgan. Ijtimoiy tarmoqlarda mazkur samolyot bortida bo`lgan yo`lovchilardan biri bo`lgan voqeani videoga olgan. Videorolikda yo`lovchilarning qo`rqqanidan yig`lab, iltijo qilganini, samolyot erga qo`nganidan keyin qarsak chalib, uchuvchini olqishlashganini ko`rish mumkin.