Ma`muriy javobgarlikka tortish maqsadida tabiatni muhofaza qilish talablarini buzish holatlari texnik foto- va videovositalar orqali qayd etiladi. Ma`muriy javobgarlik to`g`risidagi kodeksga kiritiladigan o`zgartirishlar va qo`shimchalar loyihasi muhokama qilish uchun QHTBT portalida e`lon qilingan, deb yozadi"Norma".
Bugungi kunda amal qilayotgan tabiatni muhofaza qilish talablarini buzish holatlari uchun ma`muriy javobgarlikni (MJTKning 91-moddasi) jarima sanksiyalarini tegishli ravishda oshirgan holda aniqlashtirish taklif etilmoqda:
Chiqindilar bilan muomala qilish chog`ida tabiatni muhofaza qilish talablarini buzish | Chiqindilar bilan muomala qilish sohasida, xavfli chiqindilar bundan mustasno | Xavfli chiqindilar bilan muomala qilish sohasida |
Ilk bor sodir etilgan, atrofdagi tabiatga zarar etkazilmagan bo`lsa | fuqarolarga EKIHning 2 baravaridan 4 baravarigacha miqdorda jarima; mansabdor shaxslarga esa – EKIHning 4 baravaridan 7 baravarigacha miqdorda. | fuqarolarga EKIHning 5 baravaridan 10 baravarigacha miqdorda jarima; mansabdor shaxslarga esa – EKIHning 10 baravaridan 20 baravarigacha miqdorda |
Ma`muriy jazo chorasi qo`llanilganidan keyin bir yil davomida takror sodir etilgan bo`lsa yoxud tabiiy muhitga zarar etkazgan bo`lsa | fuqarolarga EKIHning 4 baravaridan 8 baravarigacha miqdorda jarima; mansabdor shaxslarga esa – EKIHning 8 baravaridan 15 baravarigacha miqdorda | fuqarolarga EKIHning 10 baravaridan 15 baravarigacha miqdorda jarima; mansabdor shaxslarga esa – EKIHning 20 baravaridan 30 baravarigacha miqdorda |
Shuningdek, voyaga etmagan shaxsni chiqindilar bilan muomala qilish sohasida ma`muriy huquqbuzarlik sodir etishga jalb etganlik uchun javobgarlikni joriy etish taklif qilindi. Bunday xatti-harakatlar uchun jarima miqdori EKIHning taxminan 10 baravaridan 30 baravarigacha miqdorni tashkil etadi.
