Avval xabar berganimizdek, 23 mart kuni turkiyalik super kino yulduzi Murat Yildirim Muxlisa Azizovaning “SCORPION” trillerida suratga tushish uchun O`zbekistonga etib kelgan edi.
O`zA xabariga ko`ra, ayni kunlarda mashhur aktyor ishtirokidagi sahnalar Buxoro viloyatida suratga olinmoqda. Shu bilan birga «Lichny nomer» (Rossiya) filmidagi Umar Tamiev obrazi orqali o`zbekistonlik tomoshabinlarga yaxshi tanish bo`lgan Vyacheslav Razbegaev ham Buxoro viloyatida davom etayotgan suratga olish ishlarida qatnashmoqda.
Shu yilning 28 mart kunisoat 11:00 da O`zbekiston yoshlar ittifoqining Yoshlar press klubi zalida ommaviy axborot vositalari vakillari uchun Murat Yildirim ishtirokida matbuot anjumani bo`lib o`tadi.
Eslatib o`tamiz, mazkur film O`zbekiston yoshlar ittifoqi, “O`zbekkino” Milliy agentligi, O`zbekiston Respublikasi Ichki ishlar vazirligi, O`zbekiston Milliy teleradiokompaniyasi hamda Kinematografiyani rivojlantirish markazi tomonidan suratga olinmoqda.
