Nyu-York hozirgi kungacha ishbilarmonlar uchun dunyodagi eng qimmat shahar, degan unvonini saqlab kelmoqda, deya yozmoqda TASS nashri.
ECA International agntligining aniqlashicha, Nyu-Yorkka ish bo`yicha kelganlarning bir kuni 874 dollarga tushar ekan.
Nyu-Yorkdan keyin ikkinchi o`rinni Jeneva shahri egallagan (792 dollar). Uchinchi o`rinda esa Syurix (735 dollar).
Kuchli o`ntalikdan Luanda (Angola, 4), Brijtaun (Barbados, 5), Parij (Fransiya, 6), Nassau (Bagam orollari, 7), Vashington (AQSh, 8), Bazel (Shveysariya, 9), Monako (10) o`rin olgan.
