Avvalroq rasmiy Pxenyan raketa-yadroviy sinovlardan voz kechgani haqida ma`lum qilgandi.
“Bloomberg” agentligi tarqatgan xabarga ko`ra, Shimoliy Koreya rahbari Kim Chen In mamlakatdagi yadroviy poligonda AQSh tomonidan tekshiruv o`tkazilishiga rozilik bergan.
Qayd qilinishicha, Kim Chen In AQShning Markaziy razvedka boshqarmasi rahbari Maykl Pompeo bilan bo`lgan uchrashuvda mamlakatdagi yadro poligonida tekshiruv o`tkazilishiga rozilik berib, Shimol xavfsizligi kafolatlanadigan bo`lsa, poligon ishini muzlatmaslikka hech nima sabab bo`la olmasligini bildirgan.
Eslatib o`tamiz, joriy yilning 21 aprelida Kim Chen In Koreya mehnat partiyasi sessiyasida KXDR raketa-yadroviy sinovlaridan voz kechganligi, Pungeridagi yadro poligoni o`z ishini to`xtatishi va mamlakat global yadroqurolsizlanish jarayoniga qo`shilishini ma`lum qilgandi.
