Yaponiyaning BibiLab kompaniyasi mushuk bo`lishni orzu qilgan odamlar uchun uychalar ishlab chiqara boshladi, deb xabar berdi lenta.ru nashri.
Kichik chodirlarni eslatuvchi yig`ma qurilma oddiy mushukning uychasidan 6 marotaba kattadir. Uning kengligi 80 , balandligi esa 65 santimetrni tashkil etadi. Uychaga qo`shib, mushuk quloqlarini eslatuvchi bosh kiyim ham beriladi. Bunday uychaning narxi 11, 7 ming iendir (taxminan 700 ming so`m).
BibiLab kompaniyasi mazkur tovarning zarurligini marketing tadqiqotlari tasdiqlashini ma`lum qildi. So`rovnoma natijasida 77,7 foiz odam bir marotaba bo`lsa ham mushuk bo`lishni istagani aniqlangan.
